Read in English.
Il-Prim Ministru Robert Abela u martu Lydia kienu akkwistaw appartament fil-qalba tal-Belt Valletta għal €3,000 biex jużawh għall-uffiċċju tad-ditta legali tagħhom, erba’ snin biss qabel ma l-binja kellha tingħata lura lill-Awtorità tal-Artijiet.
Iċ-ċens ta’ 150 sena issa skada iżda l-Abela xorta waħda baqgħu jużaw il-proprjetà fi Strada Stretta minkejja li ma kienx għad baqgħalhom titolu legali fuqha.
Wara li rrifjutaw it-talbiet ta’ The Shift għal kopja tal-kuntratt u tad-dokumenti l-oħra li ġew iffirmati fl-2013, ftit ġimgħat biss wara li l-Labour ħa s-siġġu tal-poter, dawn id-dokumenti finalment ġew ippubblikati wara mistoqsija parlamentari tad-Deputata Nazzjonalista Rebekah Borg.
Dawn juru li f’Mejju 2013, xahrejn biss wara li l-Labour rebaħ l-elezzjoni, Robert Abela u martu akkwistaw nofs is-sjieda tal-bqija taċ-ċens tal-appartament, u b’hekk saru sidien sħaħ tal-konċessjoni li diġà kien kellhom in-nofs l-ieħor.
It-trasferiment għamlu l-avukat Ian Stafrace, eks CEO tal-Awtorità tal-Ippjanar u issa l-avukat ewlieni tal-iżviluppatur Għawdxi Joseph Portelli, u martu Claire Zammit Stafrace li kienet inħatret maġistrata mill-amministrazzjoni preċedenti tal-PN.
Il-konċessjoni oriġinali kellha tagħlaq fi tmiem l-2017, jiġifieri erba’ snin biss wara li Abela ffirmaw. Sal-lum, suppost diġà tbattlet u ġiet ritornata lill-gvern, jew inkella kellu jiġi ffirmat ftehim ġdid.
Skont il-liġi, f’dak il-każ kellha ssir valutazzjoni ġdida u l-proprjetà tinħareġ għall-allokazzjoni permezz ta’ sejħa kompetittiva pubblika.
Sorsi mill-industrija li tkellmu ma’ The Shift qalulna li l-prezz attwali fis-suq ta’ appartament bħal dak fiċ-ċentru tal-Belt Valletta hu stmat li joqrob il-€200,000.
Is-sena l-oħra, il-gvern fetaħ skema ġdida biex “jirregolarizza” s-sitwazzjoni ta’ dawk li qed jingumbraw il-proprjetajiet, u ppermettielhom jestendu ċ-ċnus tagħhom b’50 sena oħra, filwaqt li nqabżu l-liġijiet dwar l-amministrazzjoni tal-proprjetà pubblika.
B’din l-iskema l-ġdida, il-gvern qed iħalli lill-inkwilini jibqgħu jippossedu l-proprjetà tal-gvern għal 50 sena oħra filwaqt li jħallsu biss 2% tal-valur tal-proprjetà fis-suq bħala ċens.
Għadu mhuwiex magħruf jekk il-prim ministru applikax għal din l-iskema u liema deċiżjoni ħadet l-Awtorità tal-Artijiet. Jekk ma sar l-ebda ftehim ġdid, l-Abelajiet jistgħu jitqiesu bħala ingumbraturi.
Apparti li huma s-sidien ta’ penthouse f’Wied il-Għajn, l-Abela xtraw ukoll villa enormi fl-ODZ, fit-tarf taż-Żejtun, ftit ġranet biss wara li l-Awtorità tal-Ippjanar kienet issanzjonat l-illegalitajiet kollha tagħha.
L-Abelajiet għandhom ukoll farmhouse fix-Xewkija, Għawdex, li xtraw bi prezz irħis u li issa qed ibiddluha f’boutique hotel.
Għal bosta snin, Abela ħadem bħala konsulent legali tal-Awtorità tal-Ippjanar bi ħlas miżmum sa €17,000 fix-xahar.
Jeffrey Pullicino Orlando se jsir ambaxxatur għall-Irwanda
Is-sejħa tax-Chalet ordnata tkompli għax il-gvern kiser ir-regoli tal-evalwazzjoni
Is-CEO Steve Ellul jaħtar lil oħt il-mentor tiegħu ma’ Infrastructure Malta
Tinħareġ notifika ta’ infurzar fuq id-dikjarazzjonijiet tal-assi li qed jaħbi l-PM
Sign up to our newsletter Stay in the know
"*" indicates required fields
Tags
#appartament fil-Belt Valletta
#Lydia Abela
#Prim Ministru Robert Abela
Related News
Jeffrey Pullicino Orlando se jsir ambaxxatur għall-Irwanda
Is-sejħa tax-Chalet ordnata tkompli għax il-gvern kiser ir-regoli tal-evalwazzjoni
Is-CEO Steve Ellul jaħtar lil oħt il-mentor tiegħu ma’ Infrastructure Malta
Tinħareġ notifika ta’ infurzar fuq id-dikjarazzjonijiet tal-assi li qed jaħbi l-PM
Il-kripta tal-Konkatidral: evidenza konvinċenti li tixħet dubji fuq id-deċiżjoni tal-Kummissarju tal-Ippjanar
It-tisbiħ tal-pjazza ta’ Buġibba: minn €1.7 miljun għal €10.6 miljun
Il-perita mressqa fuq it-traġedja ta’ Jean-Paul Sofia tingħata xogħlijiet ġodda mil-Lands
Il-perspettiva legali: Għalfejn il-Qorti tal-Appell ordnat lil Allied Newspapers tħallas €171,000 lil ġurnalist għal tkeċċija inġusta
Eks uffiċjal għoli tal-ħabs ġiet trasferita lejn il-Kunsill ta’ JPO b’kuntratt ta’ €61,000 fis-sena
‘Tentattiv iddisprat biex ikun hemm min jiskansa l-ħabs’ – Bonello dwar l-emenda tal-inkjesti maġisterjali
Konsulent tal-ARMS qed ‘jgħin’ lill-klijenti bil-kontijiet mhux imħallsin minn ġol-Kwartieri tal-Labour
giving the good example to his flock of sheep….how can he condone his corrupt lot like Mizzi, Rosianne and his predecessor when he’s doing the same!!!
He came into politics to get richer and not for love and country!